Upategiak protagonistak dira ardogintzan, mahastiak bezainbeste alegia. Ondo dakite hori Arabako Errioxan. Mahatsak, upategira iritsitakoan, hartzitu egiten dira, eta, prozesu zaindu eta kontrolatu baten ondoren, ardoak lortzen dira, gu guztion gozagarri.
Arabako Errioxako upategiak ardoen kalitate handiak nabarmentzen ditu, baina mahastizaintzaren eta ardogintzaren tradizioa eta kultura gorde eta zaintzen dituzten eraikin bereziak ere badira. Bisitariek horiez gozatzeko aukera dute; izan ere, ateak zabalik dituzte upategiek, eta, beraz, aukera ematen dute ardoa egitearen sekretuak ezagutzeko eta esperientzia gogoangarri bat izateko.