Arrazoi asko daude enpresa batek Euskadi Gastronomikan parte hartzeko interesa izateko. Honako hauek nabarmenduko ditugu:
· Turismo gastronomikoko produktua edo zerbitzua hobetzeko laguntza eta euskarri tekniko aditua izatea, enpresa sarean sartu ahal izan dadin.
· Euskadi Gastronomika marka eskuratuta, enpresaren posizioa eta irudia hobetzea. Izan ere, markak euskal kultura gastronomikoaren balioa nabarmentzen du eta elementu bereizgarri bihurtzen da.
· Enpresaren lehiakortasuna hobetzea, Euskadi Gastronomika sareko enpresekin prestakuntza-ekintzetan eta networking-topaketetan parte hartuz.
· Enpresaren sustapena egitea, Basquetourrek eta Eusko Jaurlaritzak turista gastronomikoarentzat diseinatzen eta editatzen dituen ON-line euskarrien bidez (webgunea, sare sozialak, marketin digitala…) eta OFF-line euskarrien bidez (liburuxkak, azokak, topaketa profesionalak, agenteen bidaiak…).
· Sustapen-ekintzetan parte hartzea, hala nola azoka eta ekitaldi gastronomikoetan.
· Turismo enogastronomikoaren sareko beste eragile batzuekin ezagutza partekatzeko aukera, produktu edo eskaintza bateratu erakargarriagoa eta lehiakorragoa sustatzeko.
· Enpresaren salmentak hobetzea, Euskadi Gastronomika sarearen bidezko sustapenaren ondorioz.