CASA GARRAS

Casa Garras familia-negozio txikia da, Pilar Tejerak eta Bernardino Llamosasek duela 45 urte baino gehiago sortua. Haiekin zegoen Jose Mari semea, lokalean bertan koskortu zena, baita, geroago, haren emazte Natividad Orcasitas ere, sukaldean bikain jarduten duena. Aurrekari horiek ikusita, ez da harritzekoa Llamosas familiaren hirugarren belaunaldia ere ostalaritza-negoziora lotu izana, ideia berriak ekarriz eta aurreko jarduna hobetuz, zaila bazen ere. Txema Llamosas da orain Casa Garraseko sukaldearen arduraduna. Artxandako ostalaritza-eskolan ikasi zuen, eta Azurmendin —Eneko Atxarekin—, Arzaken, Zuberoan eta El Bullin —Ferrán Adriárekin— trebatu zen. Tokiko produktuak erabiltzea eta zaporea dira haren plateren ezaugarri nagusiak. Horiei esker, Enkarterrietako erreferentziako jatetxeetako bat bihurtu da Casa Garras. Txemak Pilar Llamosas arreba du ondoan. Upategi ospetsuetan —Raventós i Blanc (cava), Quinta Sardonia (Ribera del Duero JD) eta Itsasmendi (txakolina)— aritutako enologo aditua da Pilar, eta Karrantza Haraneko familia-mahastietako lehen txakolina ekoitzi zuen. Hari zor zaio jatetxeko ardandegi-eskaintza handia eta bikaina. Gure ardo-karta bizirik dago, eta etengabe berritzen dugu. Eskatu aholkua erreferentzia berriak eta harrigarriak ezagutu nahi badituzue.